Totalforbod mot bruk av eld
Det går fram av ei forskrift fastsett av brannsjefen i Nordhordland brann og redning, som har ansvaret for brannvernet med meir i kommunane Alver, Austrheim og Fedje.
Forbodet omfattar også jonsokbål/sankthansbål.
Presisering lagt ut 21. juni om bål og grilling:
Nordhordland brann og redning får mange spørsmål om det likevel er lov å tenna sankthansbål/jonsokbål; Fordi det har regna litt/ fordi bålet mitt er nært sjøen/ fordi eg har hageslange lett tilgjengeleg/ fordi det aldri før har vore skogbrann der eg bur. Svaret på alle desse er: Nei.
Men sjølv om det ikkje er lov å tenna bål, er det lov å grilla (til dømes på kulegrill) på større asfalterte eller gruslagde område, som skulegardar, parkeringsplassar og idrettsplassar, så sant dei ikkje ligg nær brennbar vegetasjon.
Som alltid, pliktar den enkelte å vera påpasseleg ved gjennomføring av aktivitet som kan føra til brann.
Forskrift om totalforbod mot bruk av eld for kommunane Alver, Austrheim og Modalen
Heimel: Fastsett av brannsjefen i Nordhordland brann og redning med heimel i lov 14. juni 2002 nr. 20 om vern mot brann, eksplosjon og ulykker med farleg stoff og om brannvesenets rednings oppgåver (brann- og eksplosjonsvernloven) § 5, jf. forskrift 17. desember 2015 nr. 1710 om brannforebygging § 3 fjerde ledd, jf. kommunestyrets delegeringsvedtak.
§ 1 Formål
Forskrifta skal bidra til å redusera sannsyn for brann.
Bakgrunnen for innføring av denne lokale forskrifta er den svært store brannfaren i ut- og innmark i regionen.
§ 2 Verkeområde
Forskrifta gjeld for kommunane Alver, Austrheim og Modalen.
§ 3 Kva som blir forstått med innmark og utmark
- Med innmark meiner denne forskrift tilrettelagte grillplassar, idrettsplassar, gardsplass, hustomt, dyrka mark, engslått og kulturbeite samt liknande.
- Med utmark meiner denne forskrift udyrka mark som etter føregåande ledd ikkje reknast som innmark.
§ 4 Forbod mot bruk av eld i utmark og innmark
Det er forbode å gjera opp eld som å brenne bål, bruke grill, stormkjøkken, andre kokeapparat, bålpanner og anna brenning med fast brensel (ved, kull, briketter, gras, greiner ol.) i skog og anna utmark i kommunane Alver, Austrheim og Modalen.
Forbodet om å bruke eld som nemnt i første ledd gjeld også på innmarksområde i nemnte kommunar.
Forbodet gjeld også for sankthansbål.
§ 5 Iverksetjing og varigheit
Forskrifta trer i kraft fredag 16. juni 2023 kl 18:00. Forskrifta gjeld inntil videre, men ikkje lenger enn til og med fredag 30. juni 2023 kl 18:00.
§ 6 Straff
Den som forsettleg eller uaktsamt bryt denne forskrifta, kan straffast med bot eller fengsel, jf. brann og eksplosjonsvernloven § 42.