Auka beredskap - tek sikte på vanleg drift av skular og andre tenester
Det er varsla mykje snø frå torsdag ettermiddag/kveld og til fredag ettermiddag/kveld, og kommunen har vurdert konsekvensar for drifta. Slik er planen:
- Skular og barnehagar er opne som vanleg fredag 19. januar.
- Det kan bli vanskeleg for heimetenesta å komma seg fram til alle som treng hjelp.
- Heimetenesta tar kontakt med tenestemottakar dersom dei ikkje klarer å komma seg fram.
- Kommunen har auka beredskap, og vil gjera det ein kan for at dei som treng det mest skal få hjelp.
- Vi oppmodar familie og naboar til å hjelpa til med å brøyta/måka innkjørsel, slik at hjelpa kjem fram.
- Vi ønsker ikkje å belasta vegnettet meir enn nødvendig i morgon, og oppfordrar dei som kan det til å ha heimekontor, og at ein elles let bilen stå om det ikkje er naudsynt å kjøra.
- Det er ikkje sett krisestab, organisasjonen handterer situasjonen i tenestelinjene.
Sist oppdatert:
18.01.2024
Publisert:
18.01.2024