Treng du fritidskontakt?
Fritidskontakt er eit tilbod til personar i alle aldersgrupper som har behov for sosialt samvær, eller som treng støtte for å delta i aktivitetar utanfor heimen.
Slik søkjer du:
Du må sende søknad til kommunen, som vurderer om du oppfyller kriteria. I søknaden må du skildre behovet ditt og grunngje kvifor du søkjer.
Forvaltningskontoret er kommunens koordinerande eining for desse tenestene.
- Besøksadresse:
Forvaltningskontoret Austrheim kommune
Sætremarka 2
5943 Austrheim
Telefon: 56 16 20 00
Kontordagar måndag, onsdag og fredag. - Søknaden sender du til:
Austrheim kommune
Forvaltningskontoret
Sætremarka 2
5943 Austrheim
Eller som e-post til Austrheim kommune:
post@austrheim.kommune.no
- Opplysningar om helsetilstanden din skal ikkje sendast på e-post.
Søknadsfrist
Det er ikkje søknadsfrist for fritidskontakt. Vi behandlar alle søknadar etter kvart som dei kjem inn til oss.
Kva skjer vidare?
- Vi vurderer søknaden din, og finn det tilbodet som passar best for deg.
- Vi tar kontakt med deg dersom vi treng fleire opplysningar eller ynskjer å treffe deg.
- Vi prøver å svare deg innan 14 dagar. Dersom vi ikkje klarer det, tar vi kontakt med deg og fortel kor lang tid det vil ta før du får svaret.
Skildring av tenesta
Ein fritidskontakt skal bidra til at den enkelte får moglegheit til å leva og bu sjølvstendig og tenesta skal hjelpe deg til ei meiningsfull fritid og samvær med andre.
Dersom du ynskjer det, kan fritidskontakten:
- Komme heim til deg
- Bli med på kino eller andre kulturelle aktivitetar
- Bli med på trening eller andre sosiale aktivitetar med meir
Kriteria for tildeling
- Kan tildelast born, unge og vaksne med samansette behov, der søkjar har behov for personbistand for å kunne delta på kultur – og fritidsaktivitetar, nettverksbygging, opplevingar og eigenaktivitet.
- Fritidskontakt vert innvilga etter ei individuell vurdering, i samråd med søkjar. Omfang og varigheit av tenesta som skal gis vert fastsett av forvaltningskontoret.
- Fritidskontakt til born under 10 år vert gitt ved særskilte behov.
- Fritidskontakt til bebuar ved langtidsopphald i institusjon og omsorgsbustad vert kun gitt ved særskilte behov. Då det er teneste, nettverk eller frivillige som i utgangspunktet tek vare på bebuar sine behov for aktivitet og sosialisering.
Eigenbetaling
- Det er ingen eigenbetaling på fritidskontakt.
- Tenesta dekker ikkje utgifter til aktiviteter i samvær med fritidskontakt.
- Har du følgjekort, kan støttekontakten din få gratis eller rimelegare inngang mange stader.
Kontakt oss
Vi har ope måndag - onsdag - fredag mellom klokka 08.00 og 15.00.
- Forvaltningskontoret v/ Tove Kristin Sleire Tistel, tlf. 56162142, eller sentralbord 56162000
Hugs at det ikkje er trygt å sende informasjon om helsetilstand eller andre sensitive opplysningar på e-post.
Klage på vedtaket
Trykk her for å lese korleis du kan klage på eit vedtak eller tilbodet du får.