Korona-smitte i Austrheim

Vedkommande var på arbeid hjå Kilstraumen Brygge måndag 19. juli, i tidsrommet 14-21. Personen var ikkje sjuk då, men utvikla symptom i etterkant, og har no testa positivt for viruset.

Alle som var gjester der i dette tidsrommet må vera særleg på vakt for symptom på Korona. Dersom ein kjenner symptom må ein gå i karantene, og testa seg for smitte.

Kommuneoverlege Peter Kubon forklarer at smittevegen ikkje er kjent, men at det vert jobba med smittesporing no.

Dette er det første registrerte smittetilfellet i Austrheim sidan 8. februar 2021.